ഫ്ലൈറ്റിൽ യാത്രക്കാർ ഒരിക്കലും അറിയാത്ത കുറച്ചു രഹസ്യങ്ങൾ.
യാത്രക്കാരുടെ സുരക്ഷിതത്വത്തെക്കരുതിയും വിമാന കമ്പനിയുടെ ഇച്ഛയ്ക്കനുസൃതമായും പല വിവരങ്ങളും വിമാന യാത്രികരിൽ നിന്ന് മറച്ചുവയ്ക്കപ്പെടുന്നുണ്ട്. അവയ്ക്ക് പിന്നിലെ കാരണങ്ങളും രസകരമാണ്. ഫ്ലൈറ്റ് അറ്റൻഡന്റുകൾ യാത്രക്കാർ ഒരിക്കലും അറിയരുതെന്ന് കരുതുന്ന കുറച്ചു വിവരങ്ങളാണ് ഇവിടെ പരിചയപ്പെടുത്തുന്നത്.
1. എമർജൻസി ഓക്സിജൻ മാസ്കുകൾ വഴി 15 മിനുട്ട് മാത്രമേ ഓക്സിജൻ ലഭ്യമാവുകയുള്ളൂ.
എമർജൻസി ഓക്സിജൻ മാസ്കുകൾ വഴി പ്രവഹിക്കുന്ന ഓക്സിജൻ 12 മുതൽ 15 മിനിറ്റ് വരയേ ലഭ്യമാകൂ എന്ന് പരിഭ്രാന്തരായ യാത്രക്കാരോട് പറയുവാൻ ആർക്കും ധൈര്യമുണ്ടാകാറില്ല.മിക്ക പൈലറ്റുമാരും ആ സമയത്തിനുള്ളിൽ വിമാനം താഴ്ന്ന ഉയരത്തിലേക്ക് കൊണ്ടുപോകുകയും ഓക്സിജൻ ലഭ്യത ഉറപ്പാക്കുകയും ചെയ്യും. എന്നിരുന്നാലും, ഏറ്റവും വലിയ അപകടസാധ്യത ആദ്യ 30 സെക്കൻഡിനുള്ളിലാണ്: അത് കടന്നുപോകുന്നതിനായ് ഓക്സിജൻ മാസ്ക് ധരിക്കേണ്ടത് നിർബന്ധമാണ്.
2. വിമാനയാത്രയ്ക്കിടെ ആരെങ്കിലും മരിച്ചാൽ,ബോഡി സീറ്റിൽ നിന്ന് മാറ്റില്ല
പാൻഡെമിക് സമയത്ത് ചില ഫ്ലൈറ്റുകൾ കുറഞ്ഞ ശേഷിയിൽ പ്രവർത്തിക്കുന്നതിനാൽ, ഇത്തരം ദൗർഭാഗ്യകരമായ ഒരു സംഭവം നടന്നാൽ ബോഡി മാറ്റുന്നതിന് സ്ഥലം ലഭ്യമായേക്കാം; എന്നിരുന്നാലും, വിമാനം വായുവിൽ ആയിരിക്കുമ്പോൾ ഒരു യാത്രക്കാരൻ മരിച്ചാൽ, അധിക നിരയോ ഒഴിഞ്ഞ സീറ്റോ ലഭ്യമല്ലെന്ന് കരുതി ഫ്ലൈറ്റ് അറ്റൻഡന്റുകൾ ലാൻഡിംഗ് വരെ ആ വ്യക്തിയെ സീറ്റിൽ കെട്ടിയിടുകയാണ് വേണ്ടതെന്ന് പ്രോട്ടോകോൾ അനുശാസിക്കുന്നു.3. വിമാനയാത്രയിൽ ഇടയ്ക്കിടെ മുഴങ്ങുന്ന ട്യൂണുകൾ ഒരു രഹസ്യ കോഡാണ്.
ലഘുഭക്ഷണ വിതരണം കുറയുന്നത് മുതൽ പ്രക്ഷുബ്ധത വർദ്ധിക്കുന്നത് വരെ, ഫ്ലൈറ്റ് അറ്റൻഡന്റുകൾ പരസ്പരം നിരവധി കാര്യങ്ങൾ സൂചിപ്പിക്കാൻ നോട്ടിഫിക്കേഷൻ ട്യൂണുകൾ ഉപയോഗിക്കുന്നു.ചില സമയങ്ങളിൽ ഇവ കൂടുതൽ പ്രാധാന്യമർഹിക്കുന്നു, അത് ഫ്ലൈറ്റ് അറ്റൻഡന്റുകൾക്ക് അടിയന്തിര സാഹചര്യങ്ങളെക്കുറിച്ചോ റൂട്ട് മാറ്റത്തെക്കുറിച്ചോ മുന്നറിയിപ്പ് നൽകുന്നു.4. യാത്രക്കാർക്ക് വിതരണം ചെയ്യുന്ന ഹെഡ്സെറ്റുകളും ഇയർബഡുകളും പുതിയതല്ല.
ഓരോ ഫ്ലൈറ്റിന് ശേഷവും ഹെഡ്സെറ്റുകളും ഇയർബഡുകളും റീസൈക്കിൾ ചെയ്യപ്പെടുന്നു എന്നത് എയർലൈൻ വ്യവസായത്തിലെ പരസ്യമായ ഒരു രഹസ്യമാണ് - നിങ്ങൾ തുറക്കേണ്ട പ്ലാസ്റ്റിക് പൗച്ചുകളിൽ വരുന്നവ പോലും പുതിയതല്ല. എയർലൈനുകൾ അവ ശേഖരിക്കുകയും വൃത്തിയാക്കുകയും ഓരോ ജോഡിയും റീബാഗ് ചെയ്യുകയും ചെയ്യുന്നു.5. ഫ്ലൈറ്റ് അറ്റൻഡന്റുകൾ ഡയറ്റ് കോക്ക് വെറുക്കുന്നു.
മറ്റൊരു പാനീയവും ഈ സോഡയോളം പതയുന്നില്ല.ഡയറ്റ് കോക്ക് പകരുമ്പോൾ ഉണ്ടാകുന്ന പത അടങ്ങുവാൻ അധിക സമയം ആവശ്യമാണ്-ഒരു ഡയറ്റ് കോക്ക് ഒഴിക്കാൻ എടുക്കുന്ന സമയത്തിൽ, ഒരു ഫ്ലൈറ്റ് അറ്റൻഡന്റിന് മറ്റ് മൂന്ന് പാനീയങ്ങൾ ഒഴിക്കാം.മറ്റുള്ള യാത്രക്കാരിലേക്ക് തങ്ങളുടെ സേവനം എത്തിക്കുവാൻ ഇത് ആമാന്തം ഉണ്ടാക്കുന്നതിനാൽ അവർ ഈ പാനീയത്തെ വെറുക്കുന്നു.6. ബോർഡിംഗ് പാസിൽ അവിശ്വസനീയമാം വിധം നിങ്ങളുടെ വ്യക്തിഗത വിവരങ്ങൾ അടങ്ങിയിരിക്കുന്നു.
നിങ്ങളുടെ ബോർഡിംഗ് പാസിലെ കോഡുകൾ വായിക്കുന്നത് ശ്രമകരമാണ്.നിങ്ങളുടെ ടിക്കറ്റിന്റെ ഏറ്റവും രഹസ്യമായ ഭാഗം PNR അല്ലെങ്കിൽ പാസഞ്ചർ നെയിം റഫറൻസ് എന്ന് വിളിക്കപ്പെടുന്ന കോഡഡ് ടെക്സ്റ്റിന്റെ ആറ് അക്ക ആൽഫാന്യൂമെറിക് സെഗ്മെന്റാണ്, അതിൽ നിങ്ങളുടെ പതിവ് ഫ്ലയർ നമ്പറും ഭാവി യാത്രാ പദ്ധതികളും അടങ്ങിയിരിക്കുന്നു. നിങ്ങളുടെ അക്കൗണ്ട് ആക്സസ് ചെയ്യാൻ ആർക്കെങ്കിലും ഈ വിവരങ്ങൾ ഉപയോഗിക്കാം, നിങ്ങളുടെ ഭാവി ആക്സസ് തടയാൻ പിൻ മാറ്റുവാൻ പോലും ഈ കോഡുകൊണ്ട് സാധിക്കും.7. വിമാനങ്ങൾ ഇപ്പോൾ നിങ്ങൾ കരുതുന്നതിലും വൃത്തിയുള്ളതാണ്.
COVID-ന് മുമ്പ്, വിമാനത്തിന്റെ ട്രേ ടേബിളുകൾ മാസത്തിൽ ഒരിക്കൽ മാത്രമേ അണുവിമുക്തമാക്കിയിരുന്നുള്ളൂ. വൃത്തിഹീനതയ്ക്ക് ഇവിടം കുപ്രസിദ്ധമായിരുന്നു. എന്നാലിപ്പോൾ,തുടരെത്തുടരെ ഫ്ലൈറ്റുകൾ വൃത്തിയാക്കപ്പെടുന്നു.എല്ലാ ഇരിപ്പിടങ്ങളിലും ഭിത്തിയിലും വെന്റിലും അണുനാശിനി തളിക്കാൻ ക്ലീനിംഗ് ജോലിക്കാർ ശ്രദ്ധിക്കാറുണ്ട്. അവർ ട്രേകൾക്കുപുറമേ, സീറ്റ് ബാക്ക്, ആംറെസ്റ്റുകൾ എന്നിവയും ഇപ്പോൾ അണുവിമുക്തമാക്കുന്നു.എത്ര തവണ വൃത്തിയാക്കുന്നു എന്നത് എയർലൈനിനെ ആശ്രയിച്ചിരിക്കും.
ഇനി ശരിക്ക് ശ്രദ്ധിക്കുക
വിമാനയാത്രയിൽ സുപ്രധാനമായ ഘടകം സുരക്ഷിതത്വമാണ്. അതുകൊണ്ടുതന്നെ വിമാനയാത്രയ്ക്കിടയിൽ ഒരു കാരണവശാലും ഇത് ചെയ്യരുത് 👈😮
തയ്യാറാക്കിയത്: ജിൻഷാ യൂനുസ് മേപ്പാടി,വയനാട്
