Ramadan 2022- UAE working hours, Eid holidays & fasting duration

റമദാൻ 2022: യു.എ.ഇ ജോലി സമയം, നോമ്പുകാലം, ഈദ് അവധി എന്നിങ്ങനെ അറിയേണ്ടതെല്ലാം

2022 ഏപ്രിൽ 2-ന് യുഎഇയിൽ റമദാനിന്റെ ആദ്യ ദിനം ആചരിച്ചു. ഇതനുസരിച്ചുള്ള ഓഫീസ് സമയങ്ങൾ, നോമ്പ് സമയം, ഈദ് ആവുമ്പോൾ പ്രതീക്ഷിക്കുന്ന അവധിദിനങ്ങൾ എന്നിവയെല്ലാം എങ്ങനെയാണെന്ന് നോക്കാം.

നോമ്പുകൾ എത്ര സമയത്തേക്കാണ്, എത്ര മണിക്കൂർ ഓഫീസ് സമയം കുറയ്ക്കും, ഈദ് എപ്പോൾ ആയിരിക്കും അടയാളപ്പെടുത്തുക എന്നതിനെക്കുറിച്ച് നിങ്ങൾ അറിയേണ്ട എല്ലാ കാര്യങ്ങളുടെയും ഒരു റൗണ്ടപ്പ് ഇതാ.

എത്ര നാളത്തേക്കാണ് ഉപവാസം?

എമിറേറ്റ്‌സ് അസ്‌ട്രോണമി സൊസൈറ്റിയുടെ ഡയറക്ടർ ബോർഡ് ചെയർമാൻ ഇബ്രാഹിം അൽ ജർവാൻ പറയുന്നതനുസരിച്ച്, റമദാൻ ആരംഭിക്കുമ്പോൾ നോമ്പിന്റെ ദൈർഘ്യം ഏകദേശം 13 മണിക്കൂർ 46 മിനിറ്റ് ആയിരിക്കും.  റമദാൻ അവസാനത്തോടെ, ദിവസങ്ങൾ നീളുന്നതിനാൽ, നോമ്പ് സമയം 14 മണിക്കൂറും 28 മിനിറ്റും ആകാൻ പോകുന്നു.

റമദാനിലെ ജോലി സമയം എന്തായിരിക്കും?

മാർച്ച് 15 ന് മാനവ വിഭവശേഷി, സ്വദേശിവൽക്കരണ മന്ത്രാലയം (MOHRE) സ്വകാര്യ മേഖലയ്ക്ക് റമദാനിൽ ജോലി സമയം എല്ലാ ദിവസവും രണ്ട് മണിക്കൂർ വീതം കുറയ്ക്കുമെന്ന് പ്രഖ്യാപിച്ചു.

നേരത്തെ, പൊതുമേഖലാ ജീവനക്കാർക്കും യു.എ.ഇ സർക്കാർ റമദാൻ പ്രവൃത്തി സമയം പ്രഖ്യാപിച്ചിരുന്നു.  പ്രഖ്യാപനം അനുസരിച്ച്, റമദാനിൽ ഫെഡറൽ സർക്കാർ ജീവനക്കാരുടെ ഔദ്യോഗിക പ്രവൃത്തി സമയം തിങ്കൾ മുതൽ വ്യാഴം വരെ രാവിലെ 9 മുതൽ ഉച്ചയ്ക്ക് 2.30 വരെയും വെള്ളിയാഴ്ചകളിൽ രാവിലെ 9 മുതൽ 12 വരെയും ആയിരിക്കും.

ഈദുൽ ഫിത്തർ എപ്പോഴാണ്?

റമദാൻ മാസത്തിന്റെ അവസാനത്തിൽ ലോകമെമ്പാടുമുള്ള മുസ്ലീങ്ങൾ ഈദുൽ ഫിത്തർ ആഘോഷിക്കുന്നു.  യു.എ.ഇയുടെ ചന്ദ്രദർശന സമിതി ഔദ്യോഗിക പ്രഖ്യാപനം നടത്തിയതിന് ശേഷമേ റമദാൻ ആരംഭത്തിന്റെയും അവസാനത്തിന്റെയും യഥാർത്ഥ തീയതി പ്രഖ്യാപിക്കുകയുള്ളൂ, ജ്യോതിശാസ്ത്ര കണക്കുകൂട്ടലുകൾ പ്രകാരം, ഇബ്രാഹിം അൽ ജർവാൻ അറിയിക്കുന്നതനുസരിച്ച്, റമദാൻ 30-ന് പ്രതീക്ഷിക്കുന്നു.അതിനാൽ, ഈദുൽ ഫിത്തറും ശവ്വാലിന്റെ ആദ്യ ദിവസവും (ഹിജ്‌റി കലണ്ടറിലെ റമദാനിനെ തുടർന്നുള്ള മാസം) 2022 മെയ് 2 വ്യാഴാഴ്ച ആയിരിക്കുമെന്ന് പ്രതീക്ഷിക്കുന്നു.

യു.എ.ഇ ഗവൺമെന്റ് വെബ്‌സൈറ്റിലെ  അവധി ദിവസങ്ങളുടെ ഔദ്യോഗിക ലിസ്റ്റ് പ്രകാരം ഈദുൽ ഫിത്തറിന്റെ അവധി ദിനങ്ങൾ റമദാൻ 29 മുതൽ ഷവ്വാൽ 3 വരെ ആയിരിക്കും.

യു.എ.ഇയിലെ പ്രധാന അവധി ദിവസങ്ങളെക്കുറിച്ച് അറിയാൻ