നിങ്ങളുടെ എമിറേറ്റ്സ് ഐഡി കാർഡ് കൈമോശം വരികയാണെങ്കിൽ പുതിയൊരു കാർഡ് എങ്ങനെ കരസ്ഥമാക്കാം?
പുതിയ ഒരു കാർഡിനായി അഭ്യർത്ഥിക്കുന്നതിന് മുമ്പ് ആദ്യം ഐഡി കാർഡ് നഷ്ടപ്പെട്ട വിവരം റിപ്പോർട്ട് ചെയ്യേണ്ടത് പ്രധാനമാണ്.
യുഎഇ നിവാസികൾക്കുള്ള ഏറ്റവും പ്രധാനപ്പെട്ട തിരിച്ചറിയൽ രേഖയാണ് എമിറേറ്റ്സ് ഐഡി, അത് എല്ലായ്പ്പോഴും നിങ്ങളോടൊപ്പം കൊണ്ടുപോകേണ്ടതുണ്ട്. വിവിധ സർക്കാർ സേവനങ്ങൾ ആക്സസ് ചെയ്യാൻ ഐഡി നിങ്ങളെ അനുവദിക്കുക മാത്രമല്ല, നിങ്ങളുടെ ആരോഗ്യ ഇൻഷുറൻസ്, യുഎഇ പാസ് എന്നിവ പോലുള്ള മറ്റ് അവശ്യ രേഖകളും ഇതുമായി ബന്ധപ്പെട്ടിരിക്കുന്നു. അതിനാൽ, നിങ്ങളുടെ ഐഡി മോഷ്ടിക്കപ്പെട്ടതായോ നഷ്ടപ്പെട്ടതായോ നിങ്ങൾ സംശയിക്കുന്നുവെങ്കിൽ, അല്ലെങ്കിൽ അത് കേടായ സന്ദർഭങ്ങളിൽ പോലും, ഒരു പുതിയ കാർഡിനായി അപേക്ഷിക്കുന്നതിന് നിങ്ങൾ പിന്തുടരേണ്ട ഘട്ടങ്ങൾ നോക്കാം.
ഘട്ടം 1:
ഈ സംഭവം റിപ്പോർട്ട് ചെയ്യുക
നിങ്ങളുടെ എമിറേറ്റ്സ് ഐഡി മോഷ്ടിക്കപ്പെടുകയോ നഷ്ടപ്പെടുകയോ ചെയ്തെന്ന് നിങ്ങൾ അറിയുന്ന നിമിഷം, സംഭവം ആദ്യം അടുത്തുള്ള ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട്സ് സെക്യൂരിറ്റി (ഐസിപി) കസ്റ്റമർ ഹാപ്പിനസ് സെന്ററിൽ റിപ്പോർട്ട് ചെയ്യേണ്ടത് പ്രധാനമാണ്. മോഷ്ടിച്ചതോ നഷ്ടപ്പെട്ടതോ ആയ കാർഡ് നിർജ്ജീവമാക്കിയെന്ന് ഇത് ഉറപ്പാക്കും, നിങ്ങളുടെ പേരിലുള്ള കാർഡ് മറ്റാരെങ്കിലും ദുരുപയോഗം ചെയ്യുന്നില്ലെന്ന് ഉറപ്പാക്കണം.
UAE ഗവൺമെന്റ് പോർട്ടൽ - യു. എ. ഇ നിയമം അനുസരിച്ച്, നിങ്ങൾ ഐ
ഡി നമ്പർ സ്ഥിരീകരണമോ നഷ്ടപ്പെട്ട ഐഡിയുടെ പകർപ്പോ ഐസിപിയോട് ആവശ്യപ്പെടണം. കാർഡുകൾ കേടായാൽ പഴയ കാർഡ് കൊണ്ടുവരിക.
മോഷ്ടിക്കപ്പെട്ടതോ നഷ്ടപ്പെട്ടതോ ആയ ഐഡിയ്ക്കായി ഒരു റിപ്പോർട്ട് ഫയൽ ചെയ്യുന്നതിന്, നിങ്ങളുടെ ഐഡന്റിറ്റി തെളിയിക്കാൻ ഇനിപ്പറയുന്ന രേഖകൾ ഹാജരാക്കണം:
- പ്രവാസി താമസക്കാർ വാലിഡ് ആയ റസിഡൻസി പെർമിറ്റ് സ്റ്റാമ്പ് ചെയ്ത അവരുടെ യഥാർത്ഥ പാസ്പോർട്ട് കൊണ്ടുവരണം.
- നഷ്ടപ്പെട്ട ഐഡി 15 വയസ്സിന് താഴെയുള്ള കുട്ടിയുടേതാണെങ്കിൽ, രക്ഷിതാവ് കുട്ടിയുടെ ഒറിജിനൽ ജനന സർട്ടിഫിക്കറ്റും അവന്റെ ഒരു പാസ്പോർട്ട് ഫോട്ടോയും നൽകണം.
- യു.എ.ഇ പൗരന്മാർ ഒരു യഥാർത്ഥ പാസ്പോർട്ടും ഫാമിലി ബുക്കും കൊണ്ടുവരണം.
- GCC പൗരന്മാർ യുഎഇയിലെ താമസം തെളിയിക്കുന്ന ഒരു രേഖ നൽകണം.
ഘട്ടം 2:
നഷ്ടപ്പെട്ടതിനു പകരമായി ഒരു കാർഡിന് അപേക്ഷിക്കുക
പകരമായി ഒരു കാർഡിനുള്ള അപേക്ഷ ഐസിപി കസ്റ്റമർ ഹാപ്പിനസ് സെന്ററിൽ തന്നെ ഫയൽ ചെയ്യാം;
ആവശ്യമുള്ള രേഖകൾ
അപേക്ഷകന്റെ നിലയെ ആശ്രയിച്ച്, ആവശ്യമായ രേഖകൾ വ്യത്യസ്തമാണ്.
പ്രവാസികൾക്ക്
- ഐഡി കാർഡ് ഡാറ്റ അല്ലെങ്കിൽ ഐഡി കാർഡിന്റെ ഒരു പകർപ്പ്.
- യഥാർത്ഥ, വാലിഡ് ആയ പാസ്പോർട്ട്.
- യഥാർത്ഥ താമസാനുമതി
- 15 വയസ്സിന് താഴെയുള്ളവർക്കും പ്രായമായവർക്കും വൈകല്യമുള്ളവർക്കും വേണ്ടിയുള്ള ഒരു വ്യക്തിഗത ഫോട്ടോ (4.5 x 3.5 സെ.മീ.).
ICP കേന്ദ്രങ്ങൾ വഴിയോ ടൈപ്പിംഗ് സെന്ററുകൾ വഴിയോ അപേക്ഷിക്കുന്ന വിധം
നിങ്ങൾ ഒരു ഐസിപി കസ്റ്റമർ ഹാപ്പിനെസ് സെന്റർ വഴിയോ അംഗീകൃത ടൈപ്പിംഗ് സെന്റർ വഴിയോ റീപ്ലേസ്മെന്റ് കാർഡിന് അപേക്ഷിക്കുകയാണെങ്കിൽ, മുകളിൽ പറഞ്ഞിരിക്കുന്നതുപോലെ നിങ്ങൾ രേഖകൾ സമർപ്പിക്കുകയും സേവന ഫീസ് അടയ്ക്കുകയും ചെയ്താൽ മതിയാകും.അപേക്ഷ സമർപ്പിച്ചുകഴിഞ്ഞാൽ, പകരം കാർഡ് നൽകുന്നതിന് അഞ്ച് പ്രവൃത്തി ദിവസമെടുക്കും.
ഓൺലൈനായി അപേക്ഷിക്കുന്ന രൂപം
റീപ്ലേസ്മെന്റ് കാർഡിന് ഓൺലൈനായി അപേക്ഷിക്കുന്നതിന്, ഈ ഘട്ടങ്ങൾ പാലിക്കുക:
1. ICP വെബ്സൈറ്റ് സന്ദർശിക്കുക നഷ്ടപ്പെട്ടതും കേടായതുമായ ഐഡി കാർഡിന് പകരം നൽകുന്നതിനുള്ള സേവനം തിരഞ്ഞെടുക്കുക.
2. 'start service' എന്ന ബട്ടണിൽ ക്ലിക്ക് ചെയ്യുക.
3. നിങ്ങളുടെ UAE പാസ് അക്കൗണ്ട് ഉപയോഗിച്ച് ലോഗിൻ ചെയ്യുക അല്ലെങ്കിൽ ICP ഉപയോഗിച്ച് ഒരു പുതിയ അക്കൗണ്ട് സൃഷ്ടിക്കുക.
4. അടുത്തതായി, നിങ്ങൾ യു.എ.ഇ പൗരനാണോ ജി.സി.സി ദേശീയനാണോ യു.എ.ഇ നിവാസിയാണോ എന്ന് തിരഞ്ഞെടുക്കുക.
5. നിങ്ങളുടെ വിലാസം, മൊബൈൽ നമ്പർ, ജനനത്തീയതി മുതലായവ പോലുള്ള നിങ്ങളുടെ വ്യക്തിഗത വിശദാംശങ്ങൾ ഉപയോഗിച്ച് അപേക്ഷാ ഫോറം പൂരിപ്പിക്കുക.
6. ആവശ്യമായ രേഖകൾ അപ് ലോഡ് ചെയ്യുക.
7. ഒരു ഡെബിറ്റ് അല്ലെങ്കിൽ ക്രെഡിറ്റ് കാർഡ് വഴി സേവന ഫീസ് അടയ്ക്കുക.
8. നിങ്ങൾ അപേക്ഷ പൂർത്തിയാക്കി സേവന ഫീസ് അടച്ചതിന് ശേഷം, നിങ്ങളുടെ പുതിയ എമിറേറ്റ്സ് ഐഡി ട്രാക്ക് ചെയ്യുന്ന ഒരു സന്ദേശമോ ഇമെയിലോ നിങ്ങൾക്ക് ലഭിക്കും. നിങ്ങളുടെ എമിറേറ്റ്സ് ഐഡി കാർഡിന്റെ ഡെലിവറി സ്റ്റാറ്റസ് എങ്ങനെ ട്രാക്ക് ചെയ്യാം എന്നറിയാൻ, ഇവിടെ നോക്കാം 👈
9. എമിറേറ്റ്സ് പോസ്റ്റ് ഓഫീസ് ശാഖയിൽ നിന്ന് നിങ്ങളുടെ എമിറേറ്റ്സ് ഐഡി ശേഖരിക്കേണ്ടതുണ്ട്.അല്ലെങ്കിൽ ഐസിപിയിൽ രജിസ്റ്റർ ചെയ്ത കൊറിയർ സേവനത്തിലൂടെ നിങ്ങൾക്ക് അത് ഡെലിവർ ചെയ്യാവുന്നതാണ്.
അപേക്ഷാ പ്രക്രിയയ്ക്ക് അഞ്ച് പ്രവൃത്തി ദിവസമെടുക്കും.
എമിറേറ്റ്സ് ഐഡി മാറ്റിസ്ഥാപിക്കുന്നതിനുള്ള ഫീസ്
നഷ്ടപ്പെട്ടതോ കേടായതോ ആയ ഐഡിയുടെ പകരം വയ്ക്കൽ ആണെങ്കിൽ - 300 ദിർഹം
അപേക്ഷാ ഫീസ് (ടൈപ്പിംഗ് സെന്ററുകളിലൂടെ അപേക്ഷിക്കുകയാണെങ്കിൽ) - 70 ദിർഹം
ഐസിഎ വെബ്സൈറ്റിലെ ഇഫോം ഫീസ് (വെബ്സൈറ്റ് വഴിയാണ് അപേക്ഷിക്കുന്നതെങ്കിൽ) - ദിർഹം 40
ഐസിഎയുടെ കസ്റ്റമർ ഹാപ്പിനെസ് സെന്ററിൽ എക്സ്പ്രസ് സേവനത്തിന് അപേക്ഷിക്കണമെങ്കിൽ 150 ദിർഹം അധികമായി നൽകണം.
ശ്രദ്ധിക്കുക
ഉത്തരവാദിത്വപ്പെട്ട സൈറ്റുകളെയും സ്ഥാപനങ്ങളെയും ഉദ്ധരിച്ചാണ് ഇവിടെ വിവരങ്ങൾ നൽകിയിരിക്കുന്നത്. കൂടുതലറിയാനായ് അവ സന്ദർശിക്കുക.
തയ്യാറാക്കിയത്: ജിൻഷാ യൂനുസ് മേപ്പാടി,വയനാട്
